காபி... கர்ப்ப காலத்தில் கொஞ்சம் உஷாராக இருக்கணும் !

ஒரு கப் காபியில்... சராசரியாக 250 மி.லி., காபியில் 80 முதல் 100 மி.கிராம் வரை கஃபைன் உள்ளது.

ஒருவர் ஒரு நாளைக்கு 400 மி.கிராம் கஃபைன் அளவுக்கு காபி குடித்தால் உடலுக்கு பாதிப்பு ஏற்படாது. அளவுக்கு அதிகமாக உடலில் சேரும்போது பல்வேறு பாதிப்புகள் ஏற்படக்கூடும்.

தினமும் மூன்று கப்களுக்கு மேல்... அதாவது 300 மி.கிராம் அளவுக்கு மேல் கஃபைன் சாப்பிடும் போது குழந்தையின்மை பிரச்னை உண்டாகும் வாய்ப்புள்ளது.

அதேப்போல், கருச்சிதைவுக்கான வாய்ப்புகளும் உள்ளன. 600 மி.கிராம் ஆக அளவு அதிகரிக்கும் போது கருச்சிதைவின் பாதிப்பு இரட்டிப்பாகக்கூடும்.

குழந்தையை எதிர்நோக்கி இருக்கும் போது தினமும் 1 அல்லது 2 கப் (200 மி.கிராம்) காபியை எடுத்தால், பாதிப்பின் தன்மையைக் குறைக்கலாம் என்பது டாக்டர்களின் அட்வைஸ்.

200 மி.கிராம் அளவுக்கு மேல் கஃபைன் எடுக்கும் போது, குறைந்த எடையுடன் குழந்தைகள் பிறக்க வாய்ப்புள்ளது.

காபி, டீ, குளிர்பானங்கள், எனர்ஜி பானங்கள், பிற பானங்களில் உள்ள கஃபைன் அளவு மாறுபடக்கூடும்.

சாக்லேட், மருந்துகள், பல்வேறு சப்ளிமெண்ட்ஸ் போன்ற உணவுப்பொருட்களிலும் கஃபைன் உள்ளதால் கவனமாக இருக்க வேண்டும்.