ஹெல்த்தியான பாசிப்பயறு அடை!

தேவையானப் பொருட்கள்: பாசிப்பயறு, துவரம் பருப்பு, கடலை பருப்பு - தலா 100 கிராம், அரிசி - 200 கிராம், சிறிய தேங்காய் - 1,

பூண்டு பல் - 4, காய்ந்த மிளகாய்- 2, சின்ன வெங்காயம், கறிவேப்பிலை, உப்பு - சிறிதளவு , எண்ணெய், கடுகு, தண்ணீர் - தேவையான அளவு.

பாசிப்பயறு, துவரம் பருப்பு, கடலைப்பருப்பு மற்றும் அரிசியை தண்ணீரில் இரண்டு மணி நேரம் ஊற வைக்கவும்.

பின்னர், காய்ந்த மிளகாய், பூண்டு, துண்டாக்கிய தேங்காய் மற்றும் உப்பு சேர்த்து சிறிது கொரகொரப்பாக அரைக்கவும்.

எண்ணெய் சூடானதும், கடுகு, நறுக்கிய வெங்காயம், கறிவேப்பிலை தாளித்து, அரைத்த மாவுடன் கலந்து தோசைக்கல்லில் சிறிது எண்ணெய் விட்டு அடையாகவோ அல்லது தோசையாகவோ வார்க்கவும்.

இப்போது சுவையான, ஆரோக்கியமான 'பாசிப்பயறு அடை' ரெடி. அனைத்து வயதினரும் விரும்பி உண்பர்.