தினமும் முந்திரிப்பருப்பு சாப்பிடலாமா?

முந்திரிப்பருப்பில் கொழுப்பு அமிலங்கள், வைட்டமின் ஈ, மெக்னீசியம் மற்றும் துத்தநாகம் உட்பட பல்வேறு ஊட்டச்சத்துகள் நிறைந்துள்ளன.

இதிலுள்ள நார்ச்சத்து மற்றும் ஆரோக்கியமான கொழுப்புகள் இதய நோய்கள் வரும் அபாயத்தை குறைக்க உதவுகின்றன.

இதிலுள்ள மக்னீசியம் மற்றும் பாஸ்பரஸ் எலும்புகளை வலுப்படுத்துகின்றன. மன அழுத்தத்தைக் குறைத்து மனநிலையை மேம்படுத்த உதவுகிறது.

வைட்டமின் ஈ, சருமத்தை பாதுகாத்து வயதாகும் தோற்றத்தைத் தாமதப்படுத்துகிறது; நார்ச்சத்து பசி உணர்வை கட்டுப்படுத்துகிறது.

அதேவேளையில், இதில் அதிக கலோரி உள்ளதால், அதிகளவில் சாப்பிட உடல் எடை அதிகரிக்கும் வாய்ப்புள்ளது.

ஒவ்வாமை பிரச்னை உள்ளவர்கள் முந்திரி சாப்பிடுவதற்கு முன் டாக்டரிடம் கலந்தாலோசிக்க வேண்டும்.

இதில் ஆக்சிலேட் அதிகமாக உள்ளதால் சிறுநீரகத்தில் கல் உள்ளவர்கள் தவிர்க்க வேண்டும். இதிலுள்ள டைரமைன் மற்றும் ஃபைனிலெதிலமைன் அமிலங்கள் சிலருக்கு தலைவலியை ஏற்படுத்தலாம்.

ஆரோக்கியமான நபர் தினசரி 30 கிராம் முந்திரி சாப்பிடுவது பாதுகாப்பானதாகும். உடல்நிலை வயது மற்றும் பிற காரணிகளை பொறுத்து இந்த அளவு மாறுபடக்கூடும்.