கண்கள் பராமரிப்புக்கு எளிய டிப்ஸ் இதோ!

கண்கள் புத்துணர்வோடு இருந்தால்தான், நாமும் நாள் முழுவதும் புத்துணர்வோடு இருக்க முடியும். உங்கள் கண்களை பராமரிக்க எளிய வழிமுறைகள் சில...

கண்களை பாதிப்பதில் முக்கிய பங்கு வகிப்பது சரியான தூக்கமின்மை. தினமும் குறைந்தது எட்டு மணி நேரமாவது தூங்குவது மிகவும் முக்கியம்.

கால்சியம், வைட்டமின்கள் நிறைந்த உணவுகளை சாப்பிடுவது, கண்களுக்கு நல்லது. கூட போதிய அளவு தண்ணீர் அருந்த வேண்டும்.

குறிப்பாக பால் உணவுகள், கீரை, முட்டை, மஞ்சள், ஆரஞ்சு பழங்கள் மற்றும் காய்கள், கண்களின் அழகை பராமரிக்கும் முக்கிய பொருட்கள்.

மீன்கள் கண்களுக்கு தேவையான சத்துக்களை வழங்குகிறது. இதனால் கண் பார்வை குறைபாடுகள் சரியாகும். எனவே அடிக்கடி உணவில், மீன் சேர்ப்பது நல்லது.

கண்களில் தூசு விழுந்தால், கண்களை கசக்கக் கூடாது; தூய்மையான குளிர்ந்த நீரால் கழுவ வேண்டும்.

கண்களில் பிரச்னை என்றால் சுயவைதியம் செய்யாமல், உடனே கண் மருத்துவரை அணுகி ஆலோசனை பெறுவது நல்லது.