9 ஆண்டுகளுக்கு முன்பு இதே நாளில் மோதிய விஜய், அஜித்

தமிழ் சினிமாவின் முன்னணி நடிகர்களில் விஜய், அஜித் இருவரும் முதன்மையானவர்களாக உள்ளனர். 9 ஆண்டுகளுக்குப் பிறகு இருவரும் நாளை ஜனவரி 11ம் தேதி நேரடியாக மோதுகிறார்கள்.

விஜய் நடித்துள்ள 'வாரிசு', அஜித் நடித்துள்ள 'துணிவு' படங்கள் நாளை வெளியாகின்றன. 9 ஆண்டுகளுக்கு முன்பு 2014ம் ஆண்டு பொங்கலை முன்னிட்டு இருவரது படங்களும் ஜனவரி 10ம் தேதி வெளியானது.

விஜய் நடித்த 'ஜில்லா', அஜித் நடித்த 'வீரம்' ஆகிய படங்கள் அன்றைய தினம் வெளிவந்தது. இப்போது இருப்பதை விட, அப்போது அவர்களது வியாபார எல்லை குறைவாகவே இருந்தது.

இருப்பினும், இருவரது படங்களும் நேரடியாக மோதியது ஒரு பரபரப்பை ஏற்படுத்தியது. இரண்டு படங்களுமே வியாபார ரீதியாக சுமாரான வெற்றியைத்தான் பெற்றன என்பது மறுக்க முடியாத உண்மை.

கடந்த 9 ஆண்டுகளில் அவர்களின் வளர்ச்சி எங்கோ சென்றுவிட்டது. நாளை வெளியாக உள்ள படங்களுக்கான முன்பதிவு அடுத்த ஒரு வாரத்திற்கு நடந்து முடிந்துவிட்டது.

இருவரது படங்களுமே ஏட்டிக்குப் போட்டியாக புதிய வசூல் சாதனையைப் படைக்கும் என்ற எதிர்பார்ப்பு எழுந்துள்ளது.