ஹெல்த்தியான தானிய வடை

தேவையானப் பொருட்கள்: கொள்ளு, சோளம், மொச்சை - தலா 100 கிராம், எண்ணெய் - 500 கிராம்.

காய்ந்த மிளகாய் - 4, இஞ்சி, புதினா, கொத்தமல்லி - சிறிதளவு, உப்பு, தண்ணீர் - தேவையான அளவு.

கொள்ளு, சோளத்தை முன் தினமே ஊறவைத்து முளை கட்டவும். மொச்சையை தனியே ஊற வைக்கவும்.

இவற்றுடன் காய்ந்த மிளகாய், தோல் நீக்கிய இஞ்சி, உப்பு சேர்த்து கெட்டியாக அரைக்கவும்.

பின், பொடியாக நறுக்கிய கொத்தமல்லி, புதினா சேர்த்து பிசையவும்.

ஒரு கடாயில் தேவையானளவு எண்ணெய் விட்டு காய்ந்தவுடன், மாவை வடைகளாக தட்டி போட்டு, பொன்னிறமாக வேக வைத்து எடுக்கவும்.

இப்போது ஆரோக்கியமான மற்றும் சுவையான 'தானிய வடை' ரெடி. அனைத்து வயதினரும் விரும்பி உண்பர்.