யோகி பாபுவுக்கு கிரிக்கெட் பேட் பரிசளித்த தோனி

சினிமா தயாரிப்பு நிறுவனத்தை துவக்கியுள்ள இந்திய கிரிக்கெட் அணியின் முன்னாள் கேப்டன் எம்.எஸ் தோனி, முதலில் தமிழ்ப் படம் ஒன்றைத்தான் தயாரிக்கிறார்.

'லெட்ஸ் கெட் மேரீட்' என்ற அந்த தமிழ்ப் படத்தின் பூஜை கடந்த மாதம் நடந்தது. ஹரிஷ் கல்யாண், இவானா, நதியா மற்றும் யோகிபாபு உட்பட பலர் நடிக்கின்றனர்.

இப்படத்தின் படப்பிடிப்பில் பங்கேற்றுள்ள யோகிபாபு சினிமா படப்பிடிப்பின் போது கிடைக்கும் ஓய்வு நேரங்களில், கிரிக்கெட் விளையாடுவதை வழக்கமாக வைத்திருப்பவர்.

அரசு மேல்நிலைப் பள்ளியில் படித்த போது பள்ளி கிரிக்கெட் அணியின் வீரராக இருந்துள்ளார் அவர். மாநில அளவிலான சாம்பியன் பட்டத்தையும் யோகிபாபுவின் அணி வென்றுள்ளது குறிப்பிடத்தக்கதாகும்.

அதீத கிரிக்கெட் ஆர்வத்திற்காக அவருக்கு தான் பயிற்சியின் போது பயன்படுத்திய பேட் ஒன்றை பரிசாக அளித்துள்ளார் தோனி. அந்த பேட் உடன் எடுத்த வீடியோவை பகிர்ந்து நன்றி தெரிவித்துள்ளார் யோகி பாபு.