பயணத்தின் போது ஒரு மாதிரி இருக்கா?
கார், விமானம், படகு அல்லது ரயிலில் பயணம் செய்வது பலருக்கும் உற்சாகமான அனுபவமாக இருக்கும். ஆனால், ஒரு சிலருக்கோ பயணித்தாலே ஒருவித அசவுகரியம் ஏற்படும்.
குமட்டல், வாந்தி போன்ற பிரச்னைகள் காரணமாக ஒரு சிலருக்கு பயணங்கள் பரிதாபமாக இருக்கும். இதற்கான சில தீர்வுகள்....
சரியான இருக்கையைத் தேர்ந்தெடுக்கவும்... காரில் பயணிக்கும்போது முன் இருக்கையில் அமர்ந்து அடிவானத்தைப் பார்க்கவும். விமானம், ரயில் என்றால் நிலையான, தொலைதூரப் பொருட்களைப் பார்க்கலாம்.
நீரேற்றமாக இருக்க அடிக்கடி தண்ணீர் குடிக்கவும். அதேவேளையில், முன்னதாகவோ அல்லது பயணத்தின் போதோ அதிக உணவை உட்கொள்வதைத் தவிர்க்கவும்.
படிப்பதையோ, திரைகளைப் பார்ப்பதையோ அல்லது அருகில் உள்ள பொருட்களைப் பார்ப்பதையோ தவிர்க்கவும்.
புதிய காற்றை சுவாசிக்க ஜன்னல்களை திறந்து வைக்கவும். வழியில் ஏதாவது கடும் துர்நாற்றத்தை முடிந்தளவு தவிர்க்கவும்; அவை குமட்டல் உணர்வுகளை அதிகரிக்கக்கூடும்.
பயணத்திற்கு முன் இஞ்சி டீ, இஞ்சி மிட்டாய்கள் உட்கொள்வது வயிற்றை சரி செய்ய உதவும்.