நீரிழிவு வராமல் தப்பிக்க சில டிப்ஸ் !

இந்தியாவில் அடுத்த 10 ஆண்டுகளில், நீரிழிவால் பாதிக்கப்பட்டவர்களின் எண்ணிக்கை கணிசமாக அதிகரிக்கும் என ஆய்வுகள் தெரிவிக்கிறது.

மேற்கத்திய உணவு முறையை விரும்புவது, பதப்படுத்தப்பட்ட உணவுகள், நொறுக்குத் தீனிகள், குறைவான உடல் உழைப்பு போன்றவை நீரிழிவுக்கு முக்கிய காரணங்களாக உள்ளன.

அதிக உடல் பருமனுடன் உள்ள நடுத்தர வயதினருக்கு நீரிழிவு ஏற்படும் அபாயம் அதிகம். எளிமையான வாழ்க்கை மாற்றங்கள் மூலமாக சர்க்கரை அளவை குறைக்கலாம்.

ஒருவர் தினமும், 30 கிராம் அளவிற்கு தான் இனிப்பை உணவில் சேர்கக வேண்டும். சர்க்கரைக்கு பதிலாக செயற்கை ஸ்வீட்னர்களை குறைந்த அளவில் சேர்க்கலாம்.

சாக்லேட், இனிப்புகள், கேக்குகள், பிஸ்கட் போன்றவற்றுக்கு மாற்றாக, ஆரோக்கியமான நொறுக்குத் தீனிகளான யோகர்ட், உப்பிடாத நட்ஸ் வகைகள், பழங்கள் மற்றும் காய்கறிகள் சாப்பிடலாம்.

முட்டைக்கோஸ், காலிஃபிளவர், கீரை, பயறு, பட்டாணி, பீன்ஸ், சோயா மற்றும் முழு தானியங்கள் போன்ற கரையக்கூடிய நார்ச்சத்து மற்றும் மெக்னீசியம் நிறைந்த உணவுகளை உட்கொள்வது சிறந்தது.

வைட்டமின் சி நிறைந்த நெல்லிக்காய், கொய்யா போன்ற பழங்களையும், எலுமிச்சை, ஆரஞ்சு, திராட்சைப்பழம் போன்ற சிட்ரஸ் பழங்களையும் உட்கொள்ளலாம்.

அதிக புரதமும், குறைந்த சர்க்கரையும் உள்ள வேர்க்கடலை, பாதாம் போன்ற பருப்பு வகைகளை சேர்க்கலாம்.

தண்ணீர் அதிகளவில் குடிக்க வேண்டும். சர்க்கரையின்றி எலுமிச்சை சாறும் குடிக்கலாம். காபி, குளிர்பானங்கள், உலர் பழங்கள் மற்றும் , பழச்சாறுகள் உட்கொள்வதை கட்டுப்படுத்துங்கள்.