கோடை வெயிலில் கண்களை காக்க சில டிப்ஸ்...

கண்களில் வீக்கம் ஏற்படும்போது குளிர்ச்சியான டீ பேக்கை, மூடிய கண்களின் மீது வைத்தால் வீக்கம் குறையும்.

வெள்ளரிக்காய் ஜூஸில் காட்டன் துணியை 2 நிமிடம் நனைத்து கண் இமைகளின் மீது 15 நிமிடங்கள் வைத்திருந்தால் கண்கள் குளிர்ச்சியாகி 2 அல்லது 3 நாட்களிலேயே கருவளையம் நீங்கும்.

தக்காளியின் தசை பகுதி, மஞ்சள், 1/2 டீஸ்பூன் எலுமிச்சை சாறு, 1 டீஸ்பூன் கிராம்புத்தூள் கலந்து பேஸ்ட் போல செய்து கண் இமைகளின் மீது 1/2 மணிநேரம் பூசி, ஈரமான காட்டன் துணியால் துடைத்தெடுத்தால் கண் அழுக்கு நீங்கும்.

தினமும் தூங்கும் முன்னர், 1 டீஸ்பூன் பாதாம் எண்ணெய் உடன், 1/2 டீஸ்பூன் எலுமிச்சை சாறு கலந்து கண்களைச் சுற்றி பூசி வந்தால் கருவளையம் நீங்கும்.

சுத்தமான பஞ்சை ரோஸ் வாட்டரில் நனைத்து கண் இமைகளில் 15 நிமிடம் ஒத்தி எடுத்தால் கண்கள் புத்துணர்ச்சி பெறும்.

1 டீஸ்பூன் தேனுடன், 1/2 டீஸ்பூன் பாதாம் எண்ணெய் கலந்து கண்கள் மீது அப்ளை செய்துவிட்டு நன்றாக தூங்கி எழுந்து காலையில் முகத்தை கழுவினால் கண்களில் ஏற்படும் வறட்சி குணமாகும்.

வெயில் காலத்தில் உடலுக்கு குளிர்ச்சி தரும் உணவுப் பொருட்களை உட்கொள்வது மிகவும் முக்கியம்.