இளம் தாய்மார்கள் எடுத்து கொள்ள வேண்டிய உணவுகள்..!

சால்மன் மீனில் டி.ஹெச்.ஏ நிறைந்துள்ளது. இது உடலில் ஒமேகா- 3 கொழுப்பு அமிலங்களை அதிகரிக்க உதவுவதுடன், மன அழுத்தத்தில் இருந்து தாய்மார்களை பாதுகாக்க உதவிபுரிகிறது.

ஒருநாளைக்கு உடலுக்கு தேவையான புரோட்டீனை பெற எளிதான வழி தினமும் முட்டை எடுத்து கொள்வது தான். காலையில் முட்டை பொரியல், மதியம் அவித்த முட்டை மற்றும் இரவில் ஆம்லேட் அல்லது சாலட் ஆக முட்டை எடுத்து கொள்ளலாம்.

ஊற வைத்த பாதாமை, தோல் நீக்கி தினமும் உண்டுவர வேண்டும். இது குழந்தைப்பேறுக்கு பின்னால் தாய்ப்பால் நன்கு ஊற பயனுள்ளதாக இருக்கும்.

பசலைக்கீரை, புரோக்கோலி போன்ற பச்சை காய்கறிகளில் வைட்டமின் - ஏ சத்து நிறைந்துள்ளது. இது தாய்மார்க்கு மட்டுமின்றி குழந்தையின்ஆரோக்கியத்திற்கும் நல்லது.

இரும்புச்சத்து, புரோட்டீன், கால்சியம் மற்றும் கார்போ ஹைட்ரேட்ஸ் நிறைந்த சத்தான உணவாக ஓட்ஸ் கருதப்படுகிறது. ஓட்ஸில் நார்ச்சத்து அதிகமிருப்பதால், எளிதில் செரிமானம் ஆவதுடன், மலச்சிக்கல் பாதிப்பை குறைக்கும்.

மஞ்சளில் ஏராளமான மருத்துவ குணங்கள் நிறைந்துள்ளது. மேலும், எடை குறைக்க உதவுவதுடன், கல்லீரல் நச்சுத்தன்மையை குறைக்க உதவுகிறது.

முழு கோதுமை ரொட்டி அல்லது பாஸ்தாவில் இரும்பு சத்துடன், தேவையான நார்ச்சத்தும் நிறைந்துள்ளது.

கர்ப்பிணி பெண்களை விட இளம் தாய்மார்களுக்கு அதிகளவு வைட்டமின் சி தேவைப்படுகிறது. பாலூட்டும் தாய்மார்கள் ஆரஞ்சு மற்றும் சிட்ரஸ் பழ வகைகளை எடுத்து கொள்வது அவசியம்.