மாலையில் வாக்கிங் செல்வதால் கிடைக்கும் 8 நன்மைகள்..!

ரிலாக்ஸாக உணர்வீர்... பரப்பான வாழ்க்கைச்சூழலில், மாலையில் வாக்கிங் செல்வதால் மிகவும் ரிலாக்ஸாக உணர்வீர்கள். தசைகளுக்கு அசைவு கொடுப்பதால், உடற்பயிற்சி செய்த பலன் கிடைக்கும்.

தூக்கம் மேம்படும்... மாலையில் வாக்கிங் செல்வோருக்கு, நிதானமாக இருப்பதால், மன அழுத்தம் குறையும். இதனால், இரவில் தூங்கும் போது நன்றாக உணர்வீர்கள்.

உயர் ரத்தஅழுத்தம் குறையும்... மாலையில் வாக்கிங் செல்வது உயர் ரத்த அழுத்தத்தை குறைக்க உதவுகிறது.

எடை குறைக்க உதவும்... நீண்ட தொலைவு , தொடர்ச்சியாக குறிப்பிட்ட காலம் வாக்கிங் செல்வோருக்கு கணிசமாக உடல் எடை குறையும். மேலும் உடல் பருமன் ஏற்படுவதற்கான வாய்ப்பை குறைக்கிறது.

தசை வலுப்படும்... தசைகள் தானாக வலுப்பெறுவதுடன், அவற்றின் நெகிழ்வுத்தன்மை அதிகரிக்க உதவும்.

மன அழுத்தத்தை குறைக்கும்... மாலையில் வாக்கிங் செல்வது, மன அமைதி மேம்பட உதவும். மேலும் மன அழுத்தம் ஏற்படுவதற்கான வாய்ப்புகளையும் குறைக்கிறது.

நோயெதிர்ப்பு சக்தியை அதிகரிக்கும்... மாலை நேரத்தில் தினமும் வாக்கிங் செல்வோருக்கு நோயெதிர்ப்பு சக்தி அதிகரிப்பதால், உடல் ஆரோக்கியம் மேம்படுகிறது.

உடற்பயிற்சிக்கு உதவும்... உடற்பயிற்சி என்பது எப்போதும் அதிக எடையை தூக்குவதோடு சம்பந்தப்பட்டதல்ல. மாலையில் எளிமையாக வாக்கிங் செல்வதும் நல்ல உடற்பயிற்சியாகும்.