உங்க வீட்டு கிச்சனிலேயே இருக்கு மவுத் ஃப்ரெஷனர்கள் !

வாய் துர்நாற்றத்தை தவிர்ப்பதற்காக பலரும் மவுத் ஃப்ரெஷ்னர்களை பயன்படுத்துவது தற்போது சர்வ சாதாரணமாகிவிட்டது.

ஒருசிலர் டாக்டர்களின் பரிந்துரை இல்லாமலேயே மவுத் ஃப்ரெஷ்னர்களை வாங்குகின்றனர். தொடர்ச்சியாக பயன்படுத்தும் போது, ஆரோக்கியம் கேள்விக்குறியாவதுடன், பட்ஜெட்டும் எகிறக்கூடும்.

இதுபோன்ற சூழலில் ஆரோக்கியத்தை மேம்படுத்த, உங்கள் வீட்டின் கிச்சனிலேயே பல்வேறு இயற்கையான ஃப்ரெஷ்னர்கள் உள்ளன. இவற்றை வெளியே எடுத்துச் செல்வதும் எளிதானதே. அவற்றில் சில...

புத்துணர்ச்சியூட்டும் முக்கியப் பொருட்களில் ஒன்றாக ஏலக்காய் உள்ளது. துர்நாற்றத்தை எதிர்த்துப் போராட பாரம்பரிய மருத்துவத்தில் இது பரவலாகப் பயன்படுத்தப்படுகிறது.

பெருஞ்சீரகம் உமிழ்நீர் உற்பத்தியை ஊக்குவிப்பதுடன், வாய் துர்நாற்றத்தை ஏற்படுத்தும் கிருமிகளுடன் போராடுகிறது. துர்நாற்றத்தை குறைப்பதுடன், அமிலத்தன்மையையும் எளிதாக்குகிறது.

கிராம்பு... பல்வலியைக் குறைக்கக்கூடிய பேஸ்ட், மவுத்வாஷ் போன்ற ஆயுர்வேத மருத்துவப் பொருட்களிலும் அதிகளவில் பயன்படுத்தப்படுவது குறிப்பிடத்தக்கது.

கொத்தமல்லி விதைகள் இயற்கையான மவுத் ஃப்ரெஷ்னராக உள்ளது. இதன் சுவையானது வெங்காயம், பூண்டு ஆகியவற்றின் வலுவான உணவு துர்நாற்றங்களை மறைக்க உதவுகிறது.