ஹெல்த்தியான வேர்க்கடலை அவரை பொரியல் ரெசிபி

தேவையான பொருட்கள்: அவரைக்காய் - 200 கிராம், பெரிய வெங்காயம் - 2, பச்சை மிளகாய் - 2

வேர்க்கடலை - 100 கிராம், எண்ணெய், உப்பு, தண்ணீர் - தேவையான அளவு, கடுகு, உளுத்தம் பருப்பு, கறிவேப்பிலை, மிளகுத்துாள் - சிறிதளவு.

கடாயில் சிறிது எண்ணெய் விட்டு சூடானவுடன், கடுகு, உளுத்தம் பருப்பு, கறிவேப்பிலை தாளித்து, நறுக்கிய பெரிய வெங்காயம், துண்டாக்கிய பச்சை மிளகாயை வதக்கவும்.

பின் தண்ணீர் சேர்த்து, நறுக்கிய அவரைக்காய், உப்பு போட்டு கிளறவும்.

நன்கு வெந்தவுடன் அவித்த வேர்க்கடலை, மிளகுத்துாள் சேர்த்தால், சுவையான வேர்க்கடலை அவரை பொரியல் ரெடி.

சத்துகள் நிறைந்த இந்த பொரியலை அனைத்து வயதினரும் விரும்பி உண்பர்.