பெண்களை அச்சுறுத்தும் கர்ப்பப்பை வாய் புற்றுநோய்! தீர்வுகள் அறிவோமா!

நம் நாட்டில் கர்ப்பப்பை வாய் புற்றுநோய், பெண்களுக்கு ஏற்படும் புற்றுநோய்களில் இரண்டாவது இடத்தில் உள்ளது.

கர்ப்பப்பை வாய் கேன்சரை, 'ஹெச்பிவி, பேப்ஸ்மியர்' சோதனை வாயிலாக ஆரம்பத்திலேயே கண்டறிந்து தடுக்கலாம் என டாக்டர்கள் கூறுகின்றனர்.

ஹியூமன் பேப்பிலோமா வைரஸ் ஹெச்பிவி தொற்று இதற்கு காரணம். தொற்று பாதித்த 20 ஆண்டுகள் கழித்தே புற்று நோய் பாதிப்பு வரும்.

புகையிலை துணை தயாரிப்புகள், கர்ப்பப்பை வாய் செல்களின் மரபணுவை சிதைக்கிறது என்று ஆராய்ச்சியாளர்கள் நம்புகின்றனர். மேலும் தொற்று ஏற்படாமல் தடுக்க, பாதுகாப்பான உடலுறவு அவசியம்.

பிறப்புறுப்பில் வெள்ளை படுதல், அதன் நிறம், தன்மையில் வேறுபாடு இருந்தால் உடனடியாக மருத்துவ ஆலோசனை பெற வேண்டும்.

இக்கேன்சரை தடுக்கும் ஹெச்பிவி தடுப்பூசி , செர்வேரிக்ஸ் தடுப்பூசி போன்றவை உள்ளன. இவற்றை டாக்டர்களின் ஆலோசனைப்படி போடுவது அவசியம் என கூறப்படுகிறது.