தித்திக்கும் மாம்பழத்தின் சுவைமிகுந்த ரகங்கள்

மாம்பழங்களின் ராணி கேசர்... சவுராஷ்டிரா, குஜராத்தின் கட்ச் பகுதிகளில் விளைகிறது. இதன் தனித்துவமே நறுமணம் தான். குங்குமப்பூ நிறத்தில் இதன் தோல் இருப்பதால் கேசர் என்று பெயர்.

கிளிமூக்கு தோதாபுரி... தெலுங்கானா, கர்நாடகா, ஆந்திரா ஆகிய மாநிலங்களில் விளைகிறது. இந்த மாம்பழ வகையில் முனைகள், கிளியின் மூக்கை போன்று இருப்பதால் தோதாபுரி என அழைக்கப்படுகிறது.

பங்கனபள்ளி மாம்பழம்... ஆந்திரா பிரதேசத்தில் கர்னூல் மாவட்டத்தில் பங்கனபள்ளி பகுதியில் விளைகிறது. இதன் தோல் பிரகாசமாக மஞ்சள் நிறத்தை கொண்டுள்ளது. இது நீள்வட்ட வடிவில் இருக்கும்.

விலையுயர்ந்த மாம்பழ ரகங்களில் ஒன்று அல்போன்சா. அதிக நறுமணத்துடன் இனிப்பாகவும், மிருதுவாகவும், நார் அற்றதாகவும், சதைப்பற்றுடன் சாறு நிறைந்ததாகவும் இருக்கும்.

மாம்பழம் என்றாலே மல்கோவா தான் சட்டென்று நினைவுக்கு வரும். தென்னிந்தியா முழுவதும் பரவலாக இந்த மாம்பழங்கள் கிடைத்தாலும் சேலம், தர்மபுரி மற்றும் கிருஷ்ணகிரியில் அதிகளவில் கிடைக்கும்.

நீலம் மாம்பழம்... வணிக ரீதியாக அதிகம் பயிரிடப்படும் மாம்பழ ரகம் இது. இதன் பழங்கள் சராசரி அளவு கொண்டவை, நீண்ட நாட்கள் தாங்கக் கூடியவை.

செந்தூரா மாம்பழம்... மற்ற ரக மாம்பழங்கள் காய்க்கும் பருவத்துக்கு முந்தைய பருவத்தில் காய்க்கும் ரகமாகும். இவ்வகை மாம்பழம் அளவில் சிறியவை. நல்ல சுவையும் நறுமணமும் கொண்டவை.