நாவல்பழத்தின் வியக்க வைக்கும் பலன்கள்

நாவல் பழம்.. இது கொஞ்சம் இனிப்பு, கொஞ்சம் புளிப்பு மற்றும் அதிக துவர்ப்பும் நிறைந்தது. விதை, இலை, பழம் என அனைத்துமே ஆரோக்கியத்தில் முக்கியப்பங்கு வகிக்கிறது.

இதில் பொட்டாசியம், மக்னீசியம், வைட்டமின் சி, ஏ மற்றும் பி, நார்ச்சத்து, புரதச்சத்து உட்பட பல்வேறு ஊட்டச்சத்துகள் உள்ளன.

நாவல் பழத்தை அளவாக சாப்பிடும்போது ரத்த அழுத்தத்தைக் கட்டுக்குள் வைத்திருக்க முடியும். பெருந்தமனி தடிப்பு, இதயம் தொடர்பான பிரச்னைகள், போன்ற பாதிப்பை குறைக்கிறது.

இதில் வைட்டமின் சி மற்றும் பிற ஆக்ஸிஜனேற்றங்கள் நிறைந்துள்ளன. ரத்தத்திலுள்ள ஹீமோகுளோபின் மற்றும் நோய் எதிர்ப்புச் சக்தியை அதிகரிக்கும். உடலில் ரத்த ஓட்டத்தை சீராக பராமரிக்கவும் உதவுகிறது.

இதிலுள்ள கிளைசெமிக் பண்புகள் ரத்தத்தில் சர்க்கரை அளவை சீராக வைக்க உதவுகிறது. நாவல் பழக் கொட்டைகளை பொடியாக்கி சுடுதண்ணீரில் கலந்து குடித்து வர சர்க்கரையை கட்டுக்குள் வைக்கலாம்; அளவாக எடுக்க வேண்டும்.

இதில் குறைந்த கலோரிகளே உள்ளன; நார்ச்சத்து அதிகமுள்ளதால் செரிமானத்தை மேம்படுத்துகிறது. இதனால் கொழுப்பை குறைத்து, உடல் எடையை சீராக வைக்க உதவுகிறது.

நாவல் பழத்தில் சரும ஆரோக்கியத்துக்கு தேவையான வைட்டமின் சி உள்ளது. இதிலுள்ள ஆக்ஸிஜனேற்ற பண்புகள் உடலில் கொலாஜன் உற்பத்தியை அதிகரிப்பதால், சருமத்துக்கு இளமையான தோற்றத்தைத் தருகிறது.

நாவல் பழம் பல நன்மைகளை அளித்தாலும் அளவாக பயன்படுத்தினால் உடல் ஆரோக்கியத்தை சீராக வைக்கலாம்.

நாவல் பழத்துடன் சிறிதளவு உப்புச்சேர்த்து சாப்பிடுவது நல்லது. இதை வெறும் வயிற்றில் சாப்பிடக் கூடாது.